Kutralam Live

the Spa of South India...
  • Heavy Water Flow in Main & Five Falls

    நேற்று இரவு பெய்த மழையால் இன்று (9.6.2018) மெயின் அருவி மற்றும் ஐந்தருவிகளில் நீர் வரத்து மிகவும் அதிகரித்து காணப்படுகிறது. நீர் வரத்து குறையும் வரை இரண்டு அருவிகளிலும் சிறிது நேரத்திற்கு குளிக்க தடை விதிக்கப்பட்டுள்ளது.

  • ILANJI MURUGAN TEMPLE

    இலஞ்சி குமாரர் கோயில்

    தென்மாவட்டங்களில மிகவும் புகழ்பெற்று விளங்குவது தென்காசி வட்டத்தில் அமைந்துள்ள இலஞ்சி குமாரர் கோயில் ஆகும்.

    குமாரர் கோயிலில் தினமும் திருவனந்தல் விழா பூஜை, காலசந்தி, உச்சிகால பூஜை, சாயரட்சை, அர்த்தசாமம் என்று ஆறுகால பூஜை நடக்கின்றது. மேலும் ஐப்பசி திருவிழா, கந்தசஷ்டி திருவிழா, மாசிமாதம் நாள் கதிர் திருவிழா, சித்திரை விசு, வைகாசி விசாகம் போன்ற விஷேச நாட்களிலும் சிறப்பு பூஜை வழிபாடுகள் நடைபெற்று வருவதால் பக்தர்கள் கூட்டம் இவ்விழாக்களின் போது அலைமோதி காணப்படும். அகஸ்திய முனிவர், அருணகிரி நாதர் வழிபட்டு சென்றதாக புராண நூல்கள் கூறுகின்றன. கடந்த 1950ம் ஆண்டு பிப்ரவரி மாதம் சுதந்திர இந்தியாவின் சென்னை மாகாண முதல் கவர்னராகிய மேதகு கிருஷ்ணசிங் (பவநகர் மஹாராஜா) குமார கடவுளை வழிபட்டு இயற்கை அன்னையின் வனப்பை கண்டு வியந்து சென்றிருக்கிறார். இதே ஆண்டு டிசம்பர் மாதம் திருவாடுதுறை ஆதீனம் 20வது பட்டம் ஸ்ரீலஸ்ரீஅம்பலவான தேசிக பரமாச்சாரிய சுவாமிகளும், 1951ம் ஆண்டு அக்டோபர் 5ம் தேதி தருமபுரம் ஆதீனம் 25வது பட்டம் ஸ்ரீலஸ்ரீ சுப்பிரமணிய தேசிக ஞானசம்பந்த பரமாச்சாரிய சுவாமிகளும் மற்றும் பத்மானாபுரம் மகாராஜா முதல் குறுநில மன்னர்கள் வரை இங்கு வந்து வழிபட்டு சென்றிருக்கிறார்கள்.

  • Information for Sabarimalai Pilgrims

    சபரிமலை செல்லும் பக்தர்கள் கவனத்திற்கு -

    சபரிமலை செல்லும் வழியில் உங்கள் வாகனங்கள் பழுதுபட்டாலோ அல்லது விபத்தில் சிக்கினாலோ 9400044991, 9562318181
    இந்த எண்களில் அழைத்தால் போக்குவரத்து துறையின் உடனடி சேவை உங்களுக்கு கிடைக்கும் இந்த சேவை 24 மணி நேரமும் செயல்படும்.

    முக்கியமான சில தொலைபேசி எண்கள்:

    S T D code : 04735

    தேவசம் போா்டு கம்மிஸ்ணா்
    04735202004

    விஜிலன்ஸ் S.P 04735202081

    விஜிலன்ஸ் அலுவலகம்
    04735202058

    தகவல் தொடர்பு மையம் சபரிமலை
    04735202048

    தகவல் தொடர்பு மையம் பம்பை
    04735202339

    தபால் நிலையம் சபரிமலை
    04735 202130

    தபால் நிலையம் பம்பை
    04735202330

    காவல் நிலையம் சபரிமலை
    04735202014
    04735202016

    காவல் நிலையம் பம்பை
    04735203419
    04735203386

    போலீஸ் ஸ்பெசல் ஆபீசா் சபரிமலை
    04735202029

    போலீஸ் ஸ்பெசல் ஆபீசா் பம்பை
    04735203523

    போலீஸ் வயர்லெஸ்
    04735202079

    தீயணைப்புத் துறை சபரிமலை
    04735202033

    കെ. എസ്. ആർ. ടി. സി പമ്പ
    K S R T C பம்பை
    04735203445

    வனத்துறை பம்பை
    04735202335
    04735202074

    அரசு மருத்துவமனை பம்பை
    04735203318

    அரசு மருத்துவமனை சபரிமலை
    04735202101

    Telephone Exchange சபரிமலை
    04735202199
    04735202000
    04735202836.

    சுவாமியே சரணம் ஐயப்பா!!!

  • KUMBAVURUTI FALLS

    கும்பாவுருட்டி அருவி - குற்றாலத்திலிருந்து 32 km தொலைவில், செங்கோட்டையை அடுத்து கேரளாவில் உள்ள அச்சன்கோவில் செல்லும் பாதையில் உள்ளது.மேக்கரை வழியாக அச்சன்கோவில் செல்லும் எழில்மிகு அடர் வன பகுதியில், கொண்டை ஊசி வளைவில் பயணித்தால் அருவியை அடையலாம். செங்கோட்டையிலிருந்து ஓரிரு கேரளா அரசு பஸ்கள் அச்சன்கோவிலுக்கு இயக்கப் படுகின்றன. அந்த பஸ் மூலம் அருவியை அடையலாம். எனினும் கும்பாவுருட்டி அருவிக்குச் செல்ல தனியே வாகனம் இருந்தால் வசதியாக இருக்கும். கேரளா வனத்துறை கட்டுபாட்டில் உள்ள அருவிக்கு செல்ல நபர் ஒருவர்க்கு தலா ரூபாய் 25 வசூலிக்கப் படுகிறது. கார்களுக்கு பார்கிங் கட்டணம் தனியாக வசூலிக்கப்படுகிறது. இங்கு வரும் வாகனங்களுக்கு கேரளா பெர்மிட் அவசியம். கார் பார்க்கிங்கில் சாப்பிடுவதர்க்கு ஏற்ற வகையில் ஒரு ஹோட்டல் மட்டும் உள்ளது,அங்கு புரோட்டாவும்,கடலை கறியும்,பொரித்த மீனும் ,அவித்த முட்டையும் கிடைக்கும்.அந்த காட்டு பகுதியில் குளித்து விட்டு வரும்போது,பசியில் ஒரு கட்டு கட்டலாம். குற்றாலம் வரும் உங்களை கும்பாவுருட்டி கொண்டை ஊசி வளைவுப் பாதைகளும், அடர் வனப்பகுதியும் இந்த கேரள மலைப்பாதை உங்கள் பயணத்தை மேலும் உற்சாகப்படுத்த போவது உறுதி..

  • Kutralam Eco Park

    சுற்றுச்சூழல் பூங்கா - குற்றாலத்தில் அரசு தோட்டக்கலை பண்ணை 1959-ம் ஆண்டு முதல் செயல்பட்டு வருகிறது. இந்தப் பண்ணை தற்போது தோட்டக்கலைத் துறையினரால் தரம் உயர்த்தப்பட்டு சுற்றுச்சூழல் பூங்காவாக மாற்றப்பட்டுள்ளது. இது ஐந்தருவிக்கு அருகில் உள்ளது.
    நீரூற்றுகள், சிற்பங்கள், புல் தரைகள், மலைப்பகுதி, 5 கி.மீ. தூரம் நடந்து செல்லும் வகையில் நடை பாதை, சிறுவர் பூங்கா, நறுமண தோட்டம், மலர் வனம், சாகச விளையாட்டுத் திடல், பசுமை குடில் போன்ற 22 வகையான சிறப்பம்சங்களை உள்ளடக்கியது எக்கோ பார்க்.

  • KUTRALANATHAR TEMPLE

    அருள்மிகு குற்றாலநாதர் திருக்கோவில்

    கந்தபுராணம் திருக்குற்றாலப் படலத்தில் அகத்தியர் இத்தலத்தில் திருமாலை சிவனாக்கி வழிபட்ட வரலாறு கூறப்பட்டுள்ளது

    சிவஸ்தலம் பெயர் : குற்றாலம்

    இறைவன் பெயர் : குற்றாலநாதர், குறும்பலாநாதர், திரிகூடநாதர், திரிகூடாசலேஸ்வரர்.

    இறைவி பெயர் : குழல்வாய் மொழியம்மை

    பதிகம் சம்பந்தர் - 2

    ஆலய முகவரி :

    அருள்மிகு குற்றாலநாதர் திருக்கோவில்

    குற்றாலம் அஞ்சல்

    திருநெல்வேலி மாவட்டம்

    PIN - 627802

    தல புராண வரலாறு:

    கைலாயத்தில் சிவனுக்கும் பார்வதிக்கும் திருமணம் நடைபெற்ற போது, அங்கு கூடியிந்தவர்களின் பாரம் தாங்காமல் பூமியின் வடதிசை தாழ்ந்து தென்திசை உயரத் தொடங்கியது. பூமியின் நிலையை சரிப்படுத்த சிவபெருமான் அகத்தியரை தென்திசையிலுள்ள பொதிகை மலைக்கு அனுப்புகிறார். அகத்தியருக்கு அங்கு தனது திருமணக் கோலத்தைக் காட்டுவதாகவும் வாக்களிக்கிறார். அகத்தியரும் பொதிகை மலை வந்து அருவியில் நீராடிவிட்டு அருகிலுள்ள கோவிலுக்குச் சென்றார். ஆனால் அக்கோவில் ஒரு வைணவக் கோவில். அகத்தியர் வைணவர் இல்லை என்று கோவிலுக்குள் செல்ல தடை விதித்தனர். மிகுந்த கவலையுடன் அருகிலுள்ள இலஞ்சி சென்று அங்குள்ள முருகரை வழிபட்டார். முருகப் பெருமான் அகத்தியரை வைணவர் வேடத்தில் கோவிலுக்குள் செல்லும் படியும், உள்ளே சிவனின் திருமணக் கோலத்தைக் காணலாம் என்றும் கூறினார்.

    கோவிலுக்குள் அவ்வாறே சென்ற அகத்தியர் விஷ்ணு சிலாவுருவில் கருவறையில் இருப்பதைக் கண்டார். கண்களை மூடிக்கொண்டு சிவனை பிரார்த்தனை செய்பவாறு அச்சிலையின் தலையில் தனது கையை வைத்து அழுத்த, விஷ்ணுவின் சிலை குறுகி ஒரு சிவலிங்கமாக மாறியது. அகத்தியருக்கு சிவபார்வதி திருமணக் காட்சியும் கிடைத்தது. அகத்தியரால் சிவத் திருமேனியாக மாற்றப்பட்டதால் லிங்கத் திருமேனியின் மீது அகத்தியரின் ஐந்து விரல்களும் பதிந்த அடையாளம் இருப்பதைக் காணலாம். விஷ்ணுவின் சிலாரூபம் லிங்கமாக மாறியதைப் போல ஸ்ரீதேவியை குழல்வாய் மொழியம்மை ஆகவும், பூதேவியை பராசக்தியாகவும் மாற்றியதாகவும் ஐதீகம்.

    கோவில் அமைப்பு:

    கோயில் மலைகள் சூழ்ந்த இயற்கையழகு வாய்ந்த சூழலில் சுமார் 5000 அடி உயரம் கொண்ட மலையடிவாரத்தில் அமைந்துள்ளது. இங்குள்ள மலைத்தொடர் திரிகூடமலை என்றழைக்கப்படுகிறது. ஆலயம் சுமார் 3.5 ஏக்கர் திலபரப்பளவில் நான்கு வாயில்களோடு சங்கு வடிவத்தில் அமைந்திருக்கிறது. திரிகூடநாதர் என்றும் குற்றாலநாதர் என்று அழைக்கப்படும் இறைவன் சுயம்பு லிங்கமாக கிழக்கு நோக்கி எழுந்தருளியுள்ளார். குழல்வாய் மொழியம்மை சந்நிதியும் சுவாமி சந்நிதிக்கு வலதுபுறம் கிழக்கு நோக்கு அமைந்துள்ளது. பிரகார வலமாக வரும்போது அகத்தியரால் பிரதிஷ்டை செய்யப்பட்டதாக சொல்லப்படும் பராசக்தி பீடம் உள்ளது. மிகக் குறுகலான பிராகாரத்தை வலம் வரும் போது, அதிகார நந்தி, சூரியன், கும்பமுனி, எதிரில் கோஷ்ட மூர்த்தமாகவுள்ள தட்சிணாமூர்த்தி, விநாயகர், சப்தகன்னியர் முதலிய சந்நிதிகளைத் தரிசிக்கலாம். பஞ்சபூதலிங்கங்களும், நன்னகரப்பெருமாள், சுப்பிரமணியர், சனிபகவான் சந்நிதிகளும் உள்ளன.

    இத்தலத்திலுள்ள தீர்த்தங்களில் வடவருவியும், தேனருவி என்ற சிவமதுகங்கையும் சிறப்புடையவை. வடவருவியில் மூழ்கினாரது பாவம் கழுநீராகப் பிரிந்து ஓடும் என்பது இத்தல ஐதீகம்.

  • Kutralanathar Temple Margazhi Festival

    திருக்குற்றாலநாதர் திருக்கோயில் மார்கழி திருவிழா.
    திருக்குற்றாலம் திருக்குற்றாலநாதர் திருக்கோயில் 2−1−18 அதிகாலை 4−00மணிக்கு சித்திரைசபையில் நடராஜபெருமானுக்கு ஆருத்ரா தரிசன தாண்டவ தீபாராதனை
    5.00 மணிக்கு திரிகூட மண்டபத்தில் நடராஜபெருமானுக்கு தாண்டவ தீபாராதனை சிறப்பாக நடைபெற்றது.

     

     

     

     

     

     

     

  • Late Night Bathing in Water Falls

    குற்றாலத்தில் எப்போது வேண்டுமானாலும் குளிக்கலாம். இரவு பகல் என்ற வித்தியாசம் கிடையாது.
    ஒரு சிலருக்கு இரவு நேரத்தில் குளிக்க முடியுமா?
    குளிப்பதருக்கு பாதுகாப்பாக விளக்குகள் எரியுமா? மக்கள் குளிப்பார்களா? பாதுகாப்பு உள்ளதா? என்ற ஒரு வினா இருக்கத்தான் செய்கிறது. அருவியில் குளியல் எப்போது வேண்டுமானாலும் குளிக்கலாம். இருபத்திநாலு மணி நேரமும் அருவியில் மக்கள் கூட்டம். ஆணும் பெண்ணும் குளித்து கொண்டுதான் இருப்பார்கள். குளியலுக்கு ஏற்றது பகலா? இரவா? என்ற ஒரு பட்டிமன்ற தலைப்பு வைத்தால், இரவு தான் என்று முக்கால் வாசி மக்கள் சொல்லுவார்கள். பகல் பொழுதை விட இரவு நேர குளியல் சுகமான தூக்கத்தை தரும், களைப்பையும் போக்கும். பகலை விட கூட்டம் இல்லாத அருவி, வருடம் தோறும் இரவு நேரத்தில் பகல் போன்று ஆக்கும் பிரகாசமாக எரியும் ஹலோஜன் பல்புகள், பாதுகாப்புக்கு அமர்த்தப்பட்ட காவல் அதிகாரிகள் இருக்கும்போது இரவு நேர குளியல் பயம் இல்லாத இனிமையான குளியல்தான்.

  • Main & Five Falls Still Flooding (9.6.2018 6.00 PM)

    மெயின் அருவியிலும் ஐந்தருவியிலும் இன்னும் வெள்ளப்பெருக்கு தொடர்வதால் குளிக்க தடையும் நீட்டிக்கப்பட்டுள்ளது. பழைய குற்றால அருவியில் குளிக்க அனுமதி உண்டு. வார விடுமுறை என்பதால் மக்கள் கூட்டம் அதிகமாக காணப்படுகிறது.

    கேரளாவில் பாலருவியில் குளிக்க அனுமதி உண்டு. கும்பாவுருட்டி அருவியில் இன்று அனுமதி இல்லை.

    இன்னும் விட்டு விட்டு மழையும், பலத்த காற்றும் தொடர்கிறது. சீசன் மிகவும் அருமையாக உள்ளது.

  • Main Falls

    பேரருவி (மெயின் அருவி) - குற்றாலம் சென்றதும் நம்மை பன்னீர் தெளித்து வரவேற்பது பேரருவி. பேருந்து நிலையத்திலிருந்து சுமார் அரை கி.மீ. தூரத்தில் உள்ளது
    இந்த அருவி. சுமார் 1,200 அடி உயரத்திலிருந்து படிப்படியாக பொங்குமா கடலில் விழுந்து, தரைமட்டத்துக்கு வருகிறது. இதிலிருந்து கிளம்பும் நீர்த்துளிகள் காற்றில் கலந்து வந்து அனைவரையும் தொட்டு வரவேற்கும். இங்கு ஆண்களும் பெண்களும் குளிக்க தனித்தனி இடவசதி உண்டு.

  • Main Falls Live

    இந்த காணொளி மெயின் அருவியின் 24 மணி நேர நேரடி ஒளிபரப்பு.
    சில நேரங்களில் கேமராவில் இன்டர்நெட் வேகமாக இயங்காத காரணங்களினால் காணொளி நின்றுவிடும். நீங்கள் காணொளியில் மேலே உள்ள தேதி மற்றும் மணியை வைத்து அதன் சரியான நேரத்தை அறிந்து கொள்ளலாம்.
    என்றும் உங்களின் சேவையில் குற்றாலம் லைவ்...

    The above video is a Live telecast of Main Falls. Sometimes, due to slower internet connection in our Camera, the Video may not be regularly updated. Please check with the Time & Date stamped in the video.

  • Main Falls Video 29.5.2018

    Video of Main Falls water flow on 29.5.2018.

  • Manimutharu Falls

    மணிமுத்தாறு அருவி - குற்றாலத்திலிருந்து 50 KM தொலைவில் உள்ளது மணிமுத்தாறு அருவி. நெல்லை மாவட்டம் களக்காடு மலைப் பகுதியில் செங்காந்தேரி அருகே பச்சையாறின் பிறப்பிடத்திலிருந்து தனியாக பிரிந்து மணிமுத்தாறு அருவியாக மணிமுத்தாறு அணைக்கட்டில் வந்து விழுகிறது. வனத்துறையினரின் அனுமதி பெற்று இந்த அருவிக்கு செல்லலாம்.

  • Nearest Airports

    Kutralam is connected by several International & Domestic Airports.

    International Airports:

    Madurai (IXM) - 160 KM (3.30 hours drive)

    Trivandrum (TRV) - 121 KM (3.30 hours drive)

    Kochi (COK) - 208 KM (6 hours drive)

     

    Domestic Airport:

    Tuticorin (TCR) - 110 KM (2.30 hours drive)

  • Old Falls Season Update (18.6.2018)

    இன்றைய (18.6.2018)  பழைய குற்றால அருவி சீசன் நிலவரம்...

  • Old Falls Season Update (19.6.2018)

    இன்றைய (19.6.2018) பழைய குற்றால அருவி சீசன் நிலவரம்.

    நல்ல நேர் வரத்து, குறைந்த கூட்டம்.

  • Old Falls Season Update (24.6.2018)

    இன்றைய (24.6.2018) பழைய குற்றால அருவி சீசன் நிலவரம் - நல்ல நீர் வரத்து, வெயில், ஞாயிறு விடுமுறை என்பதால் அதிகமான கூட்டம், போக்குவரத்து நெரிசல்.

  • Old Falls Season Update (29.5.2018)

    பழைய குற்றாலத்தில் இன்று மிக நன்றாக தண்ணீர் விழுகிறது.
    கூட்டம் குறைவாக உள்ள காரணத்தால் சுற்றுலா பயணிகள் மிகுந்த உற்சாகத்துடன் அருவியில் குளித்து மகிழ்கின்றனர்.

  • Old Falls Season Update (8.6.2018)

    இன்றைய (8.6.2018) பழைய குற்றால அருவி சீசன் நிலவரம்:
    நல்ல நீர் வரத்து, குறைவான கூட்டம்.

Page 2 of 4