Kutralam Live

the Spa of South India...
  • 10.6.2018 Evening Season Update

    10.6.2018 - மாலை சீசன் நிலவரம்: அருமையான சீசன் - அதிகமான நீர் வரத்து, பலத்த காற்று, அவ்வப்போது மழை மற்றும் சாரல், அதிக கூட்டம்.

    மெயின் அருவியில் அதிக நீர் வரத்து காரணமாக சுற்றுலா பயணிகள் வரிசையில் நின்று குளிக்க அனுமதிக்கப் படுகின்றனர்.

    ஐந்தருவியில் மற்றும் பழைய குற்றால அருவியில் சுற்றுலா பயணிகள் கூட்டம் அதிகமாக காணப்படுகிறது.

  • Agasthiyar Falls

    அகத்தியர் அருவி - அகத்தியர் அருவி என்பது திருநெல்வேலி மாவட்டம் அம்பாசமுத்திரம் வட்டத்தில் உள்ள அருவி ஆகும். இந்த அருவிக்குக் காரையார் மற்றும் சேர்வலாறு நீர்த்தேக்கங்களில் இருந்து நீர் வந்து கொண்டிருக்கிறது. சுமார் 25 அடி உயரத்தில் இருந்து விழும் இந்த அருவி, திருநெல்வேலி மாவட்டத்திலுள்ள சுற்றுலாத் தலங்களில் ஒன்றாக இருக்கிறது. இந்த அருவியில் ஆண்டு முழுமைக்கும் தண்ணீர் வருவதால், இந்த அருவிக்கு வரும் சுற்றுலாப் பயணிகளின் எண்ணிக்கை அதிகமாகிக் கொண்டே இருக்கிறது.

    குற்றாலத்தில் இருந்து 38 KM தொலைவில் உள்ளது. சுமார் 1 மணி நேர பயணத்தில் இவ்விடத்தை அடையலாம். வனத்துறையின் அனுமதியுடன் இந்த அருவிக்கு செல்ல வேண்டும். திறந்திருக்கும் நேரம்: காலை 7.00 மணி முதல் மாலை 5.00 மணி வரை.

    அகத்தியர் அருவி, பாபநாசம் நகருக்குத் தெற்கிலும் கீழ் பாபநாசத்துக்கு (தமிரபரணி ஆறு உற்பத்தியாகும் ஏரி]] வடக்கிலுமாக மேற்குத் தொடர்ச்சி மலைத்தொடரில் அமைந்துள்ளது. இவ்வருவி திருநெல்வேலியிலிருந்து 42 km (26 mi) தொலைவிலுள்ளது. இந்த அருவியில் வீழும் நீரானது பாபநாசம் நீர்மின் உற்பத்தி நிலையத்தை அடைந்து பின் அங்கிருந்து 142.15 ft (43.33 m) கொள்ளளவு கொண்ட பாபநாசம் அணையின் நீர்பிடிப்புப் பகுதியைச் சென்றடைகிறது. களக்காடு முண்டந்துறை புலிகள் காப்பகம் அருகிலுள்ளதால் அருவியிலிருந்து பாபநாசம் செல்லும் வழியில் புலி, சிறுத்தை போன்ற வனவிலங்குகளின் நடமாட்டம் காணப்படுகிறது.

    மே மாதம் முதல் செப்டம்பர் மாதம் வரை தென்மேற்கு பருவமழையின் போது இவ்வருவிக்கு நீர்வரத்து கிடைக்கிறது. இருப்பினும் அதிகபட்ச அளவிலான நீர்வரத்து அக்டோபர் மாதம் முதல் டிசம்பர் வரை வடகிழக்குப் பருவமழையினால் கிடைக்கிறது. அருவிக்கு அருகில் அகத்தியருக்கு சிறு கோயிலொன்று உள்ளது.

    திருநெல்வேலி மாவட்ட நிர்வாகத்தினரால் ஆண்டுதோறும் சித்திரை மாதத்தில் இங்கு திருவிழா ஏற்பாடு செய்யப்பட்டு நடைபெற்று வருகிறது. பாபநாசநாதர் கோயிலுக்கு வருபவர்கள் இவ்வருவியையும் கண்டும் குளித்துவிட்டும் செல்கின்றனர். நவம்பர்-டிசம்பர் மாதங்களில் சபரிமலைக்குச் சென்றுவருபவர்களும் இவ்வருவிக்கும் குற்றால அருவிகளுக்கும் செல்கின்றனர். வடகிழக்குப் பருவமழையின்போது அருவியில் நீர்வீழ்ச்சியின் அளவும் வேகமும் அதிகமாக இருக்கும்போது பாதுகாப்பு காரணமாக மக்கள் இங்கு வந்து செல்ல அனுமதி அளிக்கப்படுவதில்லை.

  • Ayyanar Falls

    அய்யனார் அருவி - தமிழ்நாட்டின் விருதுநகர் மாவட்டம், இராஜபாளையம் நகரில் இருந்து 10 கிமீ மேற்க்கே அமைந்துள்ளது. இந்த அருவி மேற்குத் தொடர்ச்சி மலைப்பகுதியில் உள்ளது. இது வடகிழக்கு பருவ கால மழையில் நீர் பெறுகிறது.
    இந்த அருவி இராஜபாளையம் பகுதியின் முதன்மை சுற்றுலா ஈர்ப்பு பகுதியாக உள்ளது. இது விருதுநகர் மாவட்டத்தின் கிழக்குப் பகுதி மக்களின் குறிப்பாக திருவில்லிபுத்தூர், சிவகாசி மக்களின் புகழ்பெற்ற சுற்றுலா தலமாக உள்ளது. இங்கு உள்ள வனப்பகுதி மலை ஏற்றத்தை விரும்புவர்களுக்கு நல்ல இடமாக உள்ளது.
    இந்த அருவியைச் சூழ்ந்த மேற்குத் தொடர்ச்சி மலைப் பகுதியானது காட்டுயிர் ஒளிப்படக் கலைஞர்களுக்கு ஆர்வமூட்டும் இடமாக உள்ளது. இந்த அருவியானது இங்கு வாழும் காட்டு விலங்குகளான குரங்குகள், யானைகள், மான்கள், காட்டெருமைகள் ஆகியவற்றிர்கும் நீராதாரமாக விளங்குகிறது. இந்த அருவிக்கு அய்யனார் பெயர் வந்ததற்கு காரணம் இங்கு உள்ள சிறிய காட்டு அய்யனார் கோயிலாகும்.
    அய்யனார் அருவி சுற்றுலா பயணிகளை கவரும் இடமாக உள்ளது. இதனால் தினமும் ஏராளமான பயணிகள் இங்கு வருகின்றனர். மழைக் காலங்களில் ஏற்படும் திடீர் வெள்ளப்பெறுக்கால் மக்கள் கோயிலினுள் மாட்டிக் கொள்கின்றனர். அந்தச் சமயங்களில் இராஜபாளையத்தில் உள்ள தீயணைப்பு மீட்டுபுத் துறையினர் வந்து பயணிகளை மீட்டு ஆற்றைக் கடக்க உதவுகின்றனர். பெருமழைக் காலத்தில் அருவியில் குளிக்க அனுமதி வழங்கப்படுவதில்லை.

  • Bathing Now Allowed in Five Falls (16.6.2018, 7.00PM) after Flood in Afternoon

    ஐந்தருவியில் மதிய வெள்ளத்திற்குப் பிறகு நீர் வரத்து சிறிது குறைந்ததால் தற்போது (16.6.2018, மாலை 7.00 மணி) ஒரு பகுதியில் மட்டும்  சுற்றுலா பயணிகள் குளிக்க அனுமதிக்கப்பட்டுள்ளனர்.

  • Five Falls Live

    The above video is a Time Lapse Video showing the last 3 hours images of Five Falls. Please see the time stamped at the right top corner of the image to check exact time of the image. Sometimes the images may not be uploaded due to unavailability of Internet or Power.

  • Forest Falls near Kaattalagar Kovil, Shenbathoppu

    ஸ்ரீவில்லிபுத்தூர் அருகே செண்பத்தோப்பில் இருந்து காட்டழகர் கோவில் செல்லும் வழியில் இயற்கை எழில் கொஞ்சும் அருவி.

  • From the top of Main Falls

    மெயின் அருவியின் மேல் இருந்து பார்க்கும்போது குற்றாலத்தின் அழகு நம்மை சொர்கத்துக்கே அழைத்துச் செல்லும்.

    மேலும் குற்றாலநாதர் கோவிலின் சங்கு வடிவ அமைப்பையும் அங்கிருந்து காணலாம். வருடத்தின் சில நாட்கள் மட்டும் (சித்ரா பௌர்ணமி முதலிய விசேஷ நாட்களில்) செண்பக தேவி கோவிலுக்கு செல்லும் வழியில் நாம் அங்கு செல்ல வனத்துறையினர் அனுமதி உண்டு.

  • GUNDARU FALLS

    குண்டாறு அருவி - குற்றாலத்தில் இருந்து பத்து கிலோமீட்டர் தொலைவில் செங்கோட்டைக்கு அருகில் உள்ளது குண்டாறு அருவி.

    செல்லும் வழியெங்கும் பச்சை பசேல் என்று காட்சியளிக்கின்றது. குண்டாறு அணையில் உள்ளே இரண்டு கிலோமீட்டர் சென்றால் குண்டாறு அருவியை அடையலாம். அருவிக்கு செல்லும் பதை சற்று கடினமாக பாறைகளாக உள்ளதால் வாகனங்களில் செல்லாமல் ஜீப் மூலமோ அல்லது நடந்து செல்வதோ நல்லது. அங்கு கடைகள் எதுவும் இல்லாததால் செல்லும்போது உணவுகளும் தண்ணீரும் எடுத்துச்செல்வது உகந்தது. ஆனால் அங்கே சில மீன் பொரித்து தரும் கடைகள் மட்டும் உள்ளன. குண்டாறு அணையில் படகு சவாரியும் உள்ளது. நபருக்கு ரூ.20 வசூல் செய்கின்றனர். அணைப்பகுதியில் சிறிய பூங்கா ஒன்றில் சிறுவர்களை மகிழ்விக்கும் சில விளையாட்டு சாதனைகளும் உள்ளது.

  • Heavy Water Flow in Main & Five Falls

    நேற்று இரவு பெய்த மழையால் இன்று (9.6.2018) மெயின் அருவி மற்றும் ஐந்தருவிகளில் நீர் வரத்து மிகவும் அதிகரித்து காணப்படுகிறது. நீர் வரத்து குறையும் வரை இரண்டு அருவிகளிலும் சிறிது நேரத்திற்கு குளிக்க தடை விதிக்கப்பட்டுள்ளது.

  • KUMBAVURUTI FALLS

    கும்பாவுருட்டி அருவி - குற்றாலத்திலிருந்து 32 km தொலைவில், செங்கோட்டையை அடுத்து கேரளாவில் உள்ள அச்சன்கோவில் செல்லும் பாதையில் உள்ளது.மேக்கரை வழியாக அச்சன்கோவில் செல்லும் எழில்மிகு அடர் வன பகுதியில், கொண்டை ஊசி வளைவில் பயணித்தால் அருவியை அடையலாம். செங்கோட்டையிலிருந்து ஓரிரு கேரளா அரசு பஸ்கள் அச்சன்கோவிலுக்கு இயக்கப் படுகின்றன. அந்த பஸ் மூலம் அருவியை அடையலாம். எனினும் கும்பாவுருட்டி அருவிக்குச் செல்ல தனியே வாகனம் இருந்தால் வசதியாக இருக்கும். கேரளா வனத்துறை கட்டுபாட்டில் உள்ள அருவிக்கு செல்ல நபர் ஒருவர்க்கு தலா ரூபாய் 25 வசூலிக்கப் படுகிறது. கார்களுக்கு பார்கிங் கட்டணம் தனியாக வசூலிக்கப்படுகிறது. இங்கு வரும் வாகனங்களுக்கு கேரளா பெர்மிட் அவசியம். கார் பார்க்கிங்கில் சாப்பிடுவதர்க்கு ஏற்ற வகையில் ஒரு ஹோட்டல் மட்டும் உள்ளது,அங்கு புரோட்டாவும்,கடலை கறியும்,பொரித்த மீனும் ,அவித்த முட்டையும் கிடைக்கும்.அந்த காட்டு பகுதியில் குளித்து விட்டு வரும்போது,பசியில் ஒரு கட்டு கட்டலாம். குற்றாலம் வரும் உங்களை கும்பாவுருட்டி கொண்டை ஊசி வளைவுப் பாதைகளும், அடர் வனப்பகுதியும் இந்த கேரள மலைப்பாதை உங்கள் பயணத்தை மேலும் உற்சாகப்படுத்த போவது உறுதி..

  • Main & Five Falls Still Flooding (9.6.2018 6.00 PM)

    மெயின் அருவியிலும் ஐந்தருவியிலும் இன்னும் வெள்ளப்பெருக்கு தொடர்வதால் குளிக்க தடையும் நீட்டிக்கப்பட்டுள்ளது. பழைய குற்றால அருவியில் குளிக்க அனுமதி உண்டு. வார விடுமுறை என்பதால் மக்கள் கூட்டம் அதிகமாக காணப்படுகிறது.

    கேரளாவில் பாலருவியில் குளிக்க அனுமதி உண்டு. கும்பாவுருட்டி அருவியில் இன்று அனுமதி இல்லை.

    இன்னும் விட்டு விட்டு மழையும், பலத்த காற்றும் தொடர்கிறது. சீசன் மிகவும் அருமையாக உள்ளது.

  • Main Falls

    பேரருவி (மெயின் அருவி) - குற்றாலம் சென்றதும் நம்மை பன்னீர் தெளித்து வரவேற்பது பேரருவி. பேருந்து நிலையத்திலிருந்து சுமார் அரை கி.மீ. தூரத்தில் உள்ளது
    இந்த அருவி. சுமார் 1,200 அடி உயரத்திலிருந்து படிப்படியாக பொங்குமா கடலில் விழுந்து, தரைமட்டத்துக்கு வருகிறது. இதிலிருந்து கிளம்பும் நீர்த்துளிகள் காற்றில் கலந்து வந்து அனைவரையும் தொட்டு வரவேற்கும். இங்கு ஆண்களும் பெண்களும் குளிக்க தனித்தனி இடவசதி உண்டு.

  • Main Falls Live

    இந்த காணொளி மெயின் அருவியின் 24 மணி நேர நேரடி ஒளிபரப்பு.
    சில நேரங்களில் கேமராவில் இன்டர்நெட் வேகமாக இயங்காத காரணங்களினால் காணொளி நின்றுவிடும். நீங்கள் காணொளியில் மேலே உள்ள தேதி மற்றும் மணியை வைத்து அதன் சரியான நேரத்தை அறிந்து கொள்ளலாம்.
    என்றும் உங்களின் சேவையில் குற்றாலம் லைவ்...

    The above video is a Live telecast of Main Falls. Sometimes, due to slower internet connection in our Camera, the Video may not be regularly updated. Please check with the Time & Date stamped in the video.

  • Main Falls Video 29.5.2018

    Video of Main Falls water flow on 29.5.2018.

  • Manimutharu Falls

    மணிமுத்தாறு அருவி - குற்றாலத்திலிருந்து 50 KM தொலைவில் உள்ளது மணிமுத்தாறு அருவி. நெல்லை மாவட்டம் களக்காடு மலைப் பகுதியில் செங்காந்தேரி அருகே பச்சையாறின் பிறப்பிடத்திலிருந்து தனியாக பிரிந்து மணிமுத்தாறு அருவியாக மணிமுத்தாறு அணைக்கட்டில் வந்து விழுகிறது. வனத்துறையினரின் அனுமதி பெற்று இந்த அருவிக்கு செல்லலாம்.

  • Old Falls Season Update (18.6.2018)

    இன்றைய (18.6.2018)  பழைய குற்றால அருவி சீசன் நிலவரம்...

  • Old Falls Season Update (29.5.2018)

    பழைய குற்றாலத்தில் இன்று மிக நன்றாக தண்ணீர் விழுகிறது.
    கூட்டம் குறைவாக உள்ள காரணத்தால் சுற்றுலா பயணிகள் மிகுந்த உற்சாகத்துடன் அருவியில் குளித்து மகிழ்கின்றனர்.

  • Old Falls Season Update (8.6.2018)

    இன்றைய (8.6.2018) பழைய குற்றால அருவி சீசன் நிலவரம்:
    நல்ல நீர் வரத்து, குறைவான கூட்டம்.

Page 1 of 2